વ્હાલી દીકરી યોજના રૂ.1,10,000/- ની સહાય (Vahali Dikri Yojana in Gujarati)

Vahali Dikri Yojana શુ છે?

            ગુજરાત સરકારની મહિલા અને બાળ વિકાસ વિભાગની દિકરીઓ માટેની વ્હાલી દીકરી યોજના અમલમાં મૂકવામાં આવી છે.  આ યોજનાનો મુખ્ય ઉદ્દેશ્ય સમાજમાં દીકરીઓના જન્મને પ્રોત્સાહન આપવો, સ્ત્રી ભ્રૂણ હત્યા રોકવી, દીકરીઓના શિક્ષણમાં વધારો કરવો, ડ્રોપઆઉટ રેશિયો ઘટાડવો અને તેમના સર્વાંગી વિકાસને સમર્થન આપવાનો છે.આ યોજના હેઠળ પાત્ર દીકરીઓને કુલ ₹1,10,000 (એક લાખ દસ હજાર રૂપિયા)ની નાણાકીય સહાય ત્રણ હપ્તામાં આપવામાં આવે છે. આ સહાય દીકરીના નામે જ આપવામાં આવે છે અને તેનો ઉપયોગ મુખ્યત્વે શિક્ષણ અને સ્વાવલંબન માટે થાય છે.

યોજનાના લાભો (Benefits)

વ્હાલી દિકરી યોજના હેઠળ પાત્ર દીકરીઓને કુલ ₹1,10,000 (એક લાખ દસ હજાર રૂપિયા) ની નાણાકીય સહાય આપવામાં આવે છે. આ સહાય Direct Benefit Transfer (DBT) દ્વારા સીધી દીકરીના નામે આપવામાં આવે છે. સહાયની રકમ ત્રણ અલગ-અલગ હપ્તામાં આપવામાં આવે છે.

હપ્તાની વિગતો નીચે મુજબ છે:

1. પ્રથમ હપ્તો: ₹4,000 – જ્યારે દીકરી ધોરણ 1માં પ્રવેશ લે છે ત્યારે આપવામાં આવે છે.

2. બીજો હપ્તો: ₹6,000 – જ્યારે દીકરી ધોરણ 9માં પ્રવેશ લે છે ત્યારે આપવામાં આવે છે.

3. ત્રીજો હપ્તો: ₹1,00,000 – દીકરી 18 વર્ષની ઉંમરે પહોંચે ત્યારે ઉચ્ચ શિક્ષણ માટે અથવા લગ્ન માટે આર્થિક સહાય રૂપે આપવામાં આવે છે.

તસ્વીર સ્ત્રોત: AI Generated (Illustration Purpose Only)

યોજનાનો હેતુ (Objective)

આ યોજનાના મુખ્ય હેતુઓ નીચે મુજબ છે:

• સમાજમાં દીકરીઓના જન્મને પ્રોત્સાહન આપવું.
• સ્ત્રી ભ્રૂણ હત્યા અટકાવવી અને દીકરીઓ પ્રત્યે સકારાત્મક દૃષ્ટિકોણ વિકસાવવો.
• દીકરીઓના શિક્ષણમાં વધારો કરવો અને તેમને આગળ ભણવા માટે પ્રોત્સાહિત કરવું.
• સ્કૂલ છોડવાની (Dropout) સંખ્યા ઘટાડવી.
• દીકરીઓના સર્વાંગી વિકાસ અને સશક્તિકરણ માટે આર્થિક સહાય પૂરી પાડવી.

પાત્રતા (Eligibility)

વ્હાલી દિકરી યોજના હેઠળ લાભ મેળવવા માટે નીચેની પાત્રતા શરતો પૂર્ણ કરવી જરૂરી છે:

• માતા-પિતાની સયુકત વાર્ષિક ₹2 લાખ કે તેથી ઓછી આવક હોવી જોઇએ.
• પ્રથમ ત્રણ સંતાન પૈકી જેટલી દિકરીઓ છે તે તમામ દિકરી આ યોજનાનો લાભ મેળવી શકે છે.
• દિકરીના જન્મના એક વર્ષની સમય મર્યાદામાં અરજી કરવી ફરજીયાત છે.

જરૂરી દસ્તાવેજો (Required Documents)

• દિકરીનો પાસપોર્ટ સાઇઝ ફોટો
• દીકરીનું જન્મનું પ્રમાણપત્ર
• દીકરીનું આધારકાર્ડ
• માતા અને પિતા બન્નેનું આધારકાર્ડ ( પુરી જન્મ તારીખ સાથે)
• માતા અને પિતા બંનેનું જન્મનું પ્રમાણપત્ર અથવા એલ.સી
• આવકનો દાખલો.
• દંપતિના પોતાના હયાત તમામ બાળકોના જન્મના દાખલા.
• લાભાર્થી દીકરીના માતા-પિતાના લગ્નનું સર્ટિફિકેટ(પ્રમાણપત્ર)
• અરજદારના રેશનકાર્ડની નકલ અને રહેઠાણનો પુરાવો (વીજળી બિલ/લાઈસન્સ).
• લાભાર્થી દીકરી અથવા માતા/પિતાની બેંક ખાતાની પાસબુક

વ્હાલી દીકરી યોજના ઓનલાઇન અરજી પ્રક્રિયા (How to Apply Online)

ઓનલાઇન અરજી https://emahilakalyan.gujarat.gov.in/ પોર્ટલ પરથી અથવા નજીકની મામલતદાર કચેરી/VCE મારફતે ઓફલાઇન કરી શકાય છે.

1. વેબસાઇટની મુલાકાત: e Mahila Kalyan Portal અથવા Digital Gujarat Portal પર જાઓ.
2. રજીસ્ટ્રેશન: જો તમે નવા યુઝર હોવ, તો ‘New Registration’ પર ક્લિક કરો.
3. SSO ID બનાવો: આ પોર્ટલ પર “Sign Up” ક્લિક કરો. તમારો આધાર નંબર દાખલ કરી OTP વેરિફાઈ કરો. ફોટો અપલોડ કરો, વિગતો (નામ, મોબાઇલ, ઇમેઇલ વગેરે) ભરો અને Submit કરો. SSO ID અને પાસવર્ડ મળશે. (આધારમાં મોબાઇલ લિંક હોવું જરૂરી.)
4. લોગિન: રતમારા Citizen SSO ID, પાસવર્ડ અને કેપ્ચા દાખલ કરી Sign In કરો.
5. પ્રોફાઇલ પૂર્ણ કરો: નામ, મોબાઇલ, ઇમેઇલ, મેરિટલ સ્ટેટસ, ઓક્યુપેશન, કાસ્ટ વગેરે વિગતો ભરો. સરનામું આધારથી ઓટો-ફિલ થઈ જશે.
6. ફોર્મ પસંદગી: ‘Vahali Dikri Yojana’ નું ફોર્મ પસંદ કરો.
7. માહિતી અને દસ્તાવેજો: ફોર્મમાં જરૂરી વિગતો ભરો અને ઓનલાઈન અરજી ફોર્મમાં આધાર કાર્ડ, દીકરીનું જન્મ પ્રમાણપત્ર, બેંક પાસબુક (અકાઉન્ટ નંબર, IFSC), સરનામાનો પુરાવો (રેશન કાર્ડ વગેરે) – બધા PDF ફોર્મેટમાં અપલોડ કરો.
8. સબમિટ: તમામ વિગતો ચકાસીને “Save & Continue” ક્લિક કરો.

વ્હાલી દિકરી યોજના મંંજુરી આદેશ

વ્હાલી દિકરી યોજના માટે ઓનલાઇન અથવા ઓફલાઇન અરજી કર્યા બાદ, અરજીની તપાસ પ્રક્રિયા પૂર્ણ થયા પછી સામાન્ય રીતે એક મહિનાની અંદર અરજી મંજુર કરવામાં આવે છે. અરજી મંજુર થયા બાદ લાભાર્થીને “વ્હાલી દિકરી યોજના આદેશ પત્ર” પોસ્ટ મારફતે મોકલવામાં આવે છે.

કેટલાક કેસોમાં, લાભાર્થીને ટેલિફોન દ્વારા જાણ કરવામાં આવી શકે છે અને તેમને કચેરીએ રૂબરૂ હાજર રહેવા માટે બોલાવવામાં આવે છે, જ્યાં તેમને આદેશ પત્ર આપવામાં આવે છે.

જો અરજી કર્યા બાદ એક મહિનાથી વધુ સમય પસાર થઈ ગયો હોય અને કોઈ માહિતી પ્રાપ્ત ન થઈ હોય, તો લાભાર્થીએ નજીકની મહિલા અને બાળ વિકાસ વિભાગની કચેરી સાથે ટેલિફોનિક અથવા રૂબરૂ સંપર્ક કરીને પોતાની અરજીની સ્થિતિ વિશે માહિતી મેળવવી જોઈએ.